3 prezime bandi pran bwa kale jodi mèkredi 21 jen 2023 nan laboule 12. Aprè anpil kout zam tap tire ant lapolis ak bandi ame nan lokalite laboule 12 komin petyonvil, popilasyon an touye epi boule 3 endividi.
Moun laboule reyaktive bwa kale a, ki te sou mod silans depi kèk jou, akoz poz sila bandi ak zam tounen ap feraye, epi simen latwoublay nan mitan popilasyon an, nan lilavwa bon repos bandi kidnape plis pase 6 moun, nan taba bandi kraze baryè ki dirije pa Vitelhomme Innocent te kidnape jounalis Marie Lucie Bonhomme ak direktè vorbes et fils la ki te libere kèk èd tan aprè, ayè Madi 20 jen an men’m gwoup gang sa kidnape ansyen prezidan KEP a Pierre Louis Opont pou’n site sa yo sèlman
Nap raple nan 2 mwa ki sot pase yo, bwa kale a tap feraye sou tout peyi a, te gen zewo kidnapin, zewo brakaj, zewo tantativ asasinay
