Nan yon konferans pou laprès li bay jodi pandan retou li nan peyi a, apre l sot patisipe nan 78e asanble Nasyonzini an. Premye minis ayisyen an, Ariel Henry di yo pap fè bak sou konstriksyon Kanal k ap fèt sou rivyè Masak la, gouvènman an apiye l a 100 pou san.
Chèf gouvènman kontinye pou l di « Tout dlo rivyè ki sou fwontyè ayisyano dominikèn nan dwe byen pataje ». E li envite omològ dominiken l yo nan dyalòg pou rezoud konfli sa.
Daprè chèf Primati a, se nan tèt ansanm nou ka rezoud problèm irigasyon an epi problèm ensekirite a, e nan tèt ansanm nou ka voye yon lòt siyal pou yon lòt nouvo depa.
