Depi kek jou moun nan Pilat, yon ti komin nan depatman nò peyi an, pa konn ki sen pou yo rele tèlman bandi pa sispann teworize yo, yon komin ki te byen pezib vin ap tounen depi kek tan youn pami pil teritwa pèdi nou deja genyen yo.
Ayè vandredi 19 jiyè 2024 lan zago loray kidnape omwen sis (6) moun, pami yo yon enspektè ministè edikasyon nò, Saintil Raphaël JEAN pandan li tap soti Okap nan yon kamyonèt ak tout fich egzamen 9e yo. Kidnapè yo mande 100 mil dola pou libere l.
Yon zak ki lage gwo kè sote bò kote paran ak elèv ki gen pou al konpoze lendi 22 jiyé a k ap vini la.
Manm popilasyon an rele sekou otorite lapolis nan nò yo, pou ba yo on souf anba men sanfwa ni lwa k ap opere nan 8e seksyon Mago kote yo deja komèt plizyè egzaksyon sou moun nan komin sila.
Pou OVOMAG: Stéphane EUSTACHE
