Plis 60 tranblemanntè aresjistre an ayiti pou mwa mas 2023 a, daprè yon bilten sismik Biwo min yo ak enèji ansanm ak inite teknik sismoloji pibliye ki pote siyati enjenyè jewològ Claude Prépetit ak Sophia Ulysse.
Daprè bilten sila, Grandans ak Nip se depatman ki pi touche. Nan Grandans 18 seyis ki egal ak yon pousantaj 29%, nan Nip 19 seyis ki bay yon pousantaj 30,65%. Tranblemanntè sa yo gen mayitid ant 1.4 jiska 3.9 sou echèl Richter a. Poutan nan mwa fevriye ki sot pase la, Ayiti te anrejistre 110 seyis. 34 ladan yo te pwodwi anba lanmè sa ki te ogmante risk sounami, mwa mas la te gen 48 an mwens.
Nap raple 14 dawout 2021, yon tranblemanntè te frape gran sid peyi a.
