Nan yon rapò li sòti jodiya a 1 è, inite k ap lite kont koripsyon nan peyi a ULCC mande la jistis pou mete aksyon piblik an mouvman kont 3 konseye prezidansyèl, Louis Gérald Gilles, Smith Augustin et Emmanuel Vertilaire pou koripsyon pasiv.
ULLC sòti rapò sa sou ankèt li menen aprè ansyen direktè BNC a Raoul Pierre Louis, te pote akizasyon kont konseye ki ta va mande l 100 milyon goud pou te kite l nan pòs li kòm direktè Bank Nasyonal kredi a.
ULLC rekòmande la jistis amerikèn pou ekstrade mesye Raoul Pierre Louis pou l vin reponn kesyon la jistis. Daprè òganism lan, ansyen direktè BNC fè abi fonction, bay (pot de Vin) epi fè tantativ pou l bare la jistis.
