Jounalis epi editè an chèf medya an liy Ayibopost la, Widlore Mérancourt, ap resevwa gwo menas anba men chèf gang barbecue daprè sa Luckson St Vil rapòte, li menm ki site komite k ap defann jounalis yo.
Nan yon videyo chèf gang nan te poste nan dat 25 septanm 2024 la, li te deklare : « Map vin pou ou ! Make sa m di a ! Gen moun ou paka jwe avè l… Ou ka anndan douch lakay ou, epi yon machin kraze w ».
Bandi notwa a fè deklarasyon sa aprè yon atik Widlore Mérancourt ki denonse yon jounalis etranje ajans Reuters ki bay chèf gang nan plizyè kagoul, alkòl ak sigarèt.
Toujou daprè LSV jounalis Ayibopost la di li pè pou sekirite l e mande gouvènman ayisyen an pou pwoteje jounalis yo an Ayiti.
