Solon Fortunat youn nan gran pwofesè inivèsite leta dayiti a tonbe anba bal bandi ame nan aprè midi jedi 7 septanm 2022 nan kafou peyan lokalite ki sitiye nan komin delma. Ansenyan Solon Fortunat, pran plizyè bal nan moman gwoup ame bèlè tap atake yon gwoup ame nan katye solino nan delma 24 ayè jedi a.
Solon Fortunat te konn anseye nan fakilte syans yo ak lekòl nòmal siperyè nan inivèsite leta a. Nan menm atak sila polisye Willio Idoccy ki te soti nan 17e pwomosyon lapolis pa echape anba bal bandi bèlè. Daprè enfòmasyon ki rive jwenn nou polisye Roulio resevwa yon pwojektil nan kaj torasik goch li.
Depi mitan âne 2021 an, bandi pa sispann kouri dèyè popilasyon nan zòn metwopolitèn nan, sòti matisan, pase kafou fèy, tonbe bèlè ak solino, pase pènye tonbe kwadèboukè rive kanaan ak site solèy se gang ki fè la lwa, fanm tankou gason, timoun tankou granmoun pa sispann kouri kite kay yo anba bal bandi pandan mouche leta ap founi zye gade, manm gouvènman an se pi gwo espektatè nan koken chenn seri ensekirite sa k ap fini ak popilasyon an.
Pwemye minis Ariel Henry, minis jistis la Emelie prophète, direktè lapolis la Frantz Elbé ki pwochen zòn n’ap kite pèdi anba van ensekite sa kap ravaje ayisyen ak ayisyèn parèy nou?
