Egzamen ofisyèl yo pou klas 9e ane te komanse lendi 22 jiyè 2024 lan sou tout teritwa nasyonal lan, se anviwon 183 142 kandida, 2777 etidyan mèt lekòl nòmal ak jadinyè (ENIJE) ak 451 aprenan sant edikasyon sosyal ki te patisipe.
Se nan sousi sa-a nou t al fon founi je gade nan youn nan sant egzamen yo ki se lekol La citadelle, ki twouve l sou wout Kanapevè an anndan kano. Elèv yo di yo satisfè de 2 premye jou egzamen yo jiskaprezan, yo pa gen twòp bagay pou yo deplore paske egzamen an pat di pase sa, e epwèv yo chita sou pwogram yo te wè nan klas yo diran ane eskolè 2023-2024 lan. Nan sant sila, selon yon responsab, gen anviwon 500 timoun ki patipe nan egzamen yo.
Si se vre anpil postilan di yo satisfè de dewoulman egzamen yo jiskaprezan, konsa gen lot ki fè ti plenyen akoz de kantite tan yo di yo bayo an ki twò piti sa ki pèmèt yo pa gentan fin reponn ak tout kesyon yo, men yo rete kwè y ap fini pa reyisi.
N ap raple, ane lekòl sila te gen anpil tibilans akoz de ensekirite a, sltou nan rejyon metwopolitèn
Potoprens lan kote gang yo pa sispann bay leta kwa manman l ak kwa papa l.
Pou OVOMAG: Stéphane EUSTACHE
