Pi piti 2 moun pèdi lavi yo.
Wilson Orelus yon sitwayen ki nan karantèn mouri sou kabann lopital aprè li fin resevwa plizyè katouch nan lamaten 54 ak yon chofè moto li men’m mouri sou plas zòn bizoton.
Occil Frandy alyas Ti Bim se yon polisye ki sòti nan 26e pwomosyon lapolis la disparèt tankou yon kout zeklè jodi madi 30 me 2023 nan kafou swit a yon afwontman ant lapolis ak bandi ame nan bizoton komin kafou.
Daprè kèk abitan nan komin kafou, malfra yo tap sikile nan yon veyikil, yo pase nan zòn lamanten yo simen bal se la Wilson Orelus pran plizyè bal la. Lapolis te pouswiv yo jiska bizoton, nan boukante kout zam ak bandi yo, yon chofè moto tonbe polisye Occil Frandy ki bay tèt li non ti Bim disparèt nan lanati san konte lòt moun ki blese.
