8 abitan nan Kabarè ki tap sove anba kolè bandi, mouri nwaye nan lanmè nan kòmansman semèn sa, pami yo, gen 3 timoun. Daprè yon sous nan sèvis maritim ak navigasyon Dayiti SEMANAH, gen gwo rechèch k ap fèt pou jwenn kadav viktim sila yo.
Bandi nan Canaan pa sispann teworize popilasyon an anba zye konplis mouche leta, malfra yo touye, rache manm popilasyon an epi boule kay yo, dirijan yo pa janm di yon mo pou soulaje yo, se konsa yon abitan zòn Sous Matla ak dlo nan zye tap fè pase fristrasyon li.
Youn nan paran viktim yo ki t’ap bay detay nan mikro Tripotay Lakay
Antouka, ensekirite an Ayiti vin yon bagay nòmal, ni otorite yo, ni sosyete sivil la melanje ak klas ekonomik lan pa janm di yon mo. Chak kouch nan popilasyon an defann gwoup pa yo. Tankou dikton an di l « chak koukouy klere pou jew », entenasyonal sou blof, dwazimen tounen tòl wouj kiyès k ap vin retire popilasyon anba grif gang tout kalite ?
