DCPJ mete yon avi rechèch dèyè yon kad nan ministè finans ak ekonomi pou enplikasyon prezime li nan trafik zam ak minisyon
Direksyon santral Polis jidisyè DCPJ ap chèche tankou chen fou Johnny Docteur, ki se yon kad nan ministè finans ak ekonomi pou trafik zam, blanchiman lajan, frod fiskal, evazyon fiskal elatriye.
Daprè nòt enstitisyon polisyè a pibliye jodi dimanch 28 me a, avi rechèch sa vini nan kad ankèt sou dosye kagezon zam ak minisyon legliz epikopal Dayiti enplike ladan l. DCPJ deja mete anba kòd plizyè endividi nan kad dosye sa.
Daprè yon twit Radio tele
Metronome, Johnny Docteur, ta gentan lage pye li depi vendredi 19 me 2023 a, men avan li kite peyi a, otorite jidisyè yo te lokalize Johnny plizyè fwa nan Jivena ak Bèlvil kay yon ansyen palemantè, epi kay yon aktyèl minis nan gouvènman an.
Leta ki gen misyon pou l pwoteje souverènte peyi a, kreye yon klima sekirite, poutan anndan leta sa, gen endividi ki enplike jouk nan zo nan trafik zam ak minisyon.
