« Fè on ekspozisyon twoup nou yo, se tankou yon apèl pou lagè, e nou pa nan gè, e nou pa vle gè » sa se deklarasyon ansyen prezidan dominiken an Leonel Fernándèz devan laprès epi jounal Listin Diario rapòte.
Ansyen prezidan an kontinye pou l di fò aktyèl gouvènman ki gen nan tèt li Luis Abinader gade si reyaksyon yo égal ak sa ki dwe fèt reyèlman.
N ap raple prezidan dominiken an fè deplwaye tout asenal militè li sou fwontyè li genyen ak Ayiti yo, an konesekans ak yon konstriksyon kanal k ap fè sou rivyè Masak la. Dapre li konstriksyon Kanal sa se yon gwoup prive ki deyè li e yo vyole « Trete de pè ak lamitye 1929 la » ki di kòman pou tou 2 bout zile a sèvi ak resous natirèl sa.
Dapre enfòmasyon yo se 11 Kanal Repiblik Dominikèn gen sou rivyè Masak la, e Kanal k ap fèt la ap premye Kanal ayisyen sou rivyè sila.
