Pou piti 7 prezime bandi tonbe nan bwa kale jodi madi 2 mai 2023 a nan Petyonvil bò 11zè. Endividi sa yo ki tap tante kache nan lokalite stenio Vincent, sergo ak jalousie daprè sa kèk manb nan popilasyon an rapòte ak jounalis repòtè OVO mag Anderson Charles ki te sou plas.
Popilasyon an ki vrèman an kolè mande ak tout chofè machin ki asire trajè Petyonvil/kenskòf/ Laboul /Dezire ak lòt lokalite nan komin nan pou yo bese tout vit machin kap monte yon fason pou yo detekte si gen bandi kap chape pou l yo nan transpò piblik la.
Fenomèn bwa kale ap kontinye fè chemen li e li prèske atenn tout teritwa nasyonal la. Nap raple pwemye pati bwa kale a deja mennen ale plis pase yon santèn prezime bandi. Yon mouvman, pwemye minis Ariel Henry pa fin dakò, nan yon diskou ki difize ayè lendi pwemye me a, chèf primati a mande ak popilasyon an pou arete bandi yo epi mennen yo bay lapolis yon fason pou lajistis ka fè travay li.
