Pi piti 7 moun pèdi lavi yo ak plizyè lòt blese ayè madi 27 jen 2023 nan yon fiziyad, aksyon sa pase nan lokalite lilavwa 4 ak 7 tou prè estasyon lilavwa- seselès la komin kwadèboukè. Daprè premye eleman enfòmasyon, viktim yo se ta prezime konplis bandi nan komin sila. Jiska prezan rezon ki lakoz krim sa poko revele.
Nap raple nan mwa ki sot pase yo, nan lokalite rozanbè bandi ki tap sikile abò yon veyikil te touye 4 jenn gason nan yon fiziyad, bandi nan zòn sila pa sispann simen latwoublay nan mitan popilasyon an pandan mouche leta chita bwa kwaze sou dodin li ap founi je gade pèp la kap tonbe anba bal malfra san fwa ni lwa.
