Pòt pawòl la prezidans repiblik Dominikèn lan anonse y ap ouvè fwontyè yo genyen ak Ayiti mèkredi 11oktòb sa a 6 zè nan maten.
Pòt pawòl la presize fwontyè yo ap ouvè pou fè komès men se pa pou migrasyon. N ap raple prezidan dominiken an, Luis Abinader te pran desizyon fèmen tout fwontyè l genyen ak Ayiti akoz yon kanal irigasyon ayisyen deside konstwi sou rivyè Masak la nan Wanament.
An reyaksyon ak nouvèl sa, pou bay yon repons fò ak prezidan Dominiken an, abitan Wanament yo di y ap fèmen fwontyè a nan bò pa Ayiti a menmsi otorite dominikèn yo ouvri pa yo a.
