Antèman atis Jimmy Danger ki te prevwa fèt jodi samdi 14 oktòb la nan legliz Senpyè nan Petyonvil, ranvwaye pou samedi 21 oktòb la toujou nan legliz Senpyè, se madanm defen atis la ki konfime nouvèl la nan yon live TikTok.
Extrè live, madanm Jimmy Danger👆
Jimmy Cimas alyas Jimmy Danger, animatè emisyon a siksè oh yes show sou Facebook ak enstagram te mouri vandredi 6 oktòb pase a selon sa fanmi li te fè konnen. Ansyen tanbourinè Kaï ak Disip la t ap soufri ak yon maladi, fanmi an pa bay twòp detay sou li. Madanm li di l ap gen yon live k ap fèt sou paj Jimmy Danger yo pou pale de sikonstans lanmò mizisyen an.
