Dyendi Mortune, Alex Neptune ak Steevenson François, se non 3 prezime bandi ki tonbe anba bal lapolis nan boukante kout zam nan depatman Grandans. Daprè fòs lòd yo, endividi a yo te fè pati plizyè gwoup gang nan kapital la, men ki tal pran refij yo nan depatman Grandans lan.
Depi yon semèn pèp la marye ak lapolis nan objektif pou deboulonnen bandi. Bwa kale, se nouvo eslogan pèp la itilize pou mete bandi nan wòl yo. Soti nan Lwès pase nan Latibonit, tonbe nan Nip pou rive Grandans, nan bouch popilasyon an se bwa kale.
Nan yon diskou ki difize jodi lendi pwemye me a nan okazyon fèt travay ak agrikilti, pwemye minis Ariel Henry, mande pou popilasyon an travay men nan men ak lapolis pou arete bandi epi jije yo. Newochirijyen an ki pa dakò ak bwa kale an, men li fè konnen li konprann kolè popilasyon fas ak bandi yo. Chèf primati a felisite polisye yo pou deteminasyo yo genyen pou retabli lòd nan peyi an.
