Nèg ame nan zòn wout Frè komin Petyonvil kidnape Robert Denis ki se PDG televizyon Canal Bleu chèn 38 jodi madi 11 avril 2023 nan aprè midi tou prè lopital kominitè Petyonvil la. Daprè kèk moun ki pwoch viktim nan, anlèvman sa fèt tou prè kay Robert Denis e se ta zèv gwoup gang kraze baryè ki baze nan Tòsèl ki dirije pa Vitelhomme Innocent, youn nan pwisan chèf gang lapolis ap chèche sa gen plizyè mwa.
Nap raple Robert Denis se ansyen manb komite direktwa asosyasyon nasyonal medya ayisyen yo ANMH. Pou kounya, ranson malfra yo egzije pou libere viktim nan poko revele.
