Carlo Petit Homme, nou tout konnen sou non Ti makak rann dènye souf li nan semèn ki sot pase a jan rimè a tap sikile sou rezo sosyal yo. Aprè plizyè jou ak yon blesi pa bal Ti makak fè vwèl pou peyi san chapo.
Daprè pòt pawòl lapolis la Garry Desrosiers Ti makak te pran plizyè bal nan dènye operasyon polisyè ki te fèt nan fyèf li nan ?aboul ak Tomasen. Yon enfòmasyon enstitisyon an konfime jodi lendi 24 avril 2023 a nan yon konferans pou laprès.
Pòt pawòl lapolis la, fè konnen se ajan ransèyman lapolis la ki jwenn enfòmasyon sa, komisè ajoute pou l di gen plizyè malfra ki tonbe nan moman operasyon polisyè sila nan Tomasen.
