Pou piti 27 prezime bandi mouri jodi lendi 24 avril la nan Pòtoprens. Endividi sa yo tonbe anba kolè popilasyon an nan kèk zòn. Daprè enfòmasyon ki rive jwenn redaksyon OVOMAG la gen 14 endividi ki mouri nan zòn kanapevè, 8 lòt anba mòn Tijo, 5 nan nan cite Gabriel ki nan Tijo pwolonje.
Tout malfra sa yo tonbe anba kolè popilasyon an jodi lendi 24 avril la. N ap raple depi nan sware samdi 22 pou rive maten lendi a anpil kout zam tap chante nan zòn Tijo, Pako, ak Debusy kote bandi te anvayi zòn sa yo nan objektif pou gen kontwòl pou pran kontwòl yo. Abitan nan zòn Tijo mande ak tout popilasyon ayisyèn nan pou yo mache pran bandi k ap simen latwoublay nan sosyete an.
Gouvèneman jiska prezan poko di yon mo sitiyasyon sa k ap develope andan peyi an.
