Innocent Mackenley alyas *Marco* ki se manm gwoup gang ti bwa jwenn arestasyon li ayè mèkredi 27 jiyè 2023 a, nan ayewopò entènasyonal Tousen Louvèti.
Daprè lapolis, misye tap prepare pou li rantre Lèzetazini nan kad pwogram Biden nan lè fòs lòd yo mete men nan pat kasav misye. Lapolis fè konnen Innocent Mackenley apèn enstale kòm chèf gang nan bizoton 55 lokalite komin kafou.
Lapolis tap chèche misye tankou chen fou pou enplikasyon prezime li nan zak asasinay polisye Frantzy Occil, nan dat 31 mai 2023 ak Pedro Mondelus tout moun konnen sou non (Pépé), ki se anplwaye OAVCT komin kafou ki te mouri 12 jiyè 2023 nan Thor 12 . Pou kounya Innocent Mackenley nan gadavi anndan DCPJ pou swit jidisyè yo.
