Rodolphe Jaar kondane pou pase tout rès vi li nan prizon pou enplikasyon li nan lanmò ansyen prezidan Jovenel Moïse ki te asasine nan rezidans prive li nan pelerin 5 nan lannwit 6 pou rive 7 jiyè 2021. Se jij federal nan miami José E. Martinez ki pwononse santans ansyen òm dafè ayisyen an jodi vandredi 2 jen 2023 pou wòl Jaar te jwe nan krim sila.
Ansyen enfòmatè DEA a te jwenn arestasyon li jou ki te vandredi 7 janvye 2023. Ayisyano chilyen an ede gwoup kolonbyen jwenn zam ak minisyon pou yo asasine 58e prezidan peyi dayiti an sou pouvwa.
N’ap raple plizyè lòt moun te jwenn arestasyon yo nan kad dosye sa, kèk nan yo nan prizon Etazini e lòt yo an ayiti. Youn nan gwo sispè dosye sa ki se Joseph Félix Badio toujou an kaval.
