Venancio A. Valdez ki se direktè jeneral imigrasyon repiblik dominikèn nan, resevwa lòd fòmèl nan men prezidan dominiken an Luis Abinader, ki entèdi ak tout sitwayen ayisyen ki tonbe anba sanksyon kanada ak etazini pile sol dominikèn nan.
Minis defans teritoryal dominikèn nan remèt yon lis byen long a direktè jeneral imigrasyon an pami non moun ki nan lis sa nou jwenn plizyè ansyen senatè tankou Youri Latortue, Garcia Delva, Antonio Cheramy (Don KTO). 2 Ansyen prezidan chanm depite Garry Bodeau ak Jean Tolbert Alexis, dirijan RNDDH la Pierre Espérance ak aktyèl majistra petyonvil la Kesner Normil epi chèf gang laboul 12 la ti makak pou’n site sa yo sèlman. Pa gen okenn non ansyen prezidan ki sanksyone yo ki figire nan lis sa.
Nap raple prezidan Abinader, pran desizyon sa apati sanksyon kanada ak etazini pran kont kont kèk sitwayen ayisyen, ki nan tete lang ak gang e kap finanse asosyasyon malfektè.
