Primati repiblik la nan yon nòt ki siyen pa sekretè jeneral la, raple mèkredi 20 septanm k ap vini la se « Jou Desalin ». E nan dat sa, administrasyon piblik la ap chome.
Nan nòt la sekretè jeneral primati a fè referans a arete sa ki te sòti nan jounal Le Monitè nan dat 20 septanm 2020 e ki te dekrete jou sa, « Jounen papa nasyon an ».
Nan optik sa lekòl yo, biwo piblik yo, komès ak endistri yo dwe fèmen pòt yo kòm sa egzije nan arete a. N ap raple dat 20 septanm nan se dat istoryen yo kenbe pou dat nesans Jean Jacques Dessaline.
