Ansyen depite Victor Prophane ak ansyen senatè Gracia Delva se 2 ansyen palemantè ayisyen, peyi Kanada sanksyone . Anons sa fèt jodi jedi 15 jen 2023 a nan okazyon ouvèti yon reyinyon ministeryèl sou ayiti ki tap prezide pa Mélanie Joly ki se minis zafè etranjè kanadyèn.
Daprè chanselyè a, tout byen ansyen palemantè sa yo ap sou kontwòl gouvènman kanadyen an, Melanie Joly fè konnen sanksyon sa yo tonbe se yon fason pou konbat koripsyon sou tout fòm nan peyi dAyiti. Nap raple Victor Prophane ak Gracia Delva se 2 orijinè depatman latibonit.
Peyi kanada akize Victor Prophane, pou koripsyon epi itilize pozisyon li pou zafè pesonèl li, men ansyen senatè Gracia Delva li menm, akize kòm moun ki enplike nan vyolasyon dwa moun ak vyolans politik.
