Nan yon videyo mannken, chantèz la poste sou rezo sosyal yo epi jounal dominiken an Diario libre rapòte. Li deklare, li resevwa anpil menas apre li te fin pote soutyen li bay peyi li Ayiti nan kad konstriksyon Kanal k ap fèt sou rivyè Masak la.
« Verite a sè ke mwen te resevwa plizyè atak, mwen pa blame yo paske mwen konprann yo ap pale ak emosyon nan moman an. Mwen panse dlo yo trè move sou tou de bò yo e sa mwen vle rele pou nou kalme, toleran ak respè (…), paske malgre nou gen opinyon diferan, sa pa vle di nou dwe derespekte youn lòt, » sa se deklarasyon Sarodj Bertin ki retransmèt pa jounal dominiken an.
Anba pòs Diario Libre a sou Instagram, atak yo te kontinye sou ansyèn Miss la, nou ka li kòmantè sa de yon abone jounal la ki mande pou dekrete atis la pèsonalite nungrata an repiblik dominikèn et yon lòt ki mande tout dominiken pou yo sispann swiv Sarodj sou rezo sosyal yo a koz pozisyon l.
