Kamala Harris, pwomèt yon èd 53,7 milyon dola ak kreyasyon yon nouvo kò espesyalize anndan lapolis la nan somè entenasyonal ki t ap fèt Jamayik jodi jedi a.
Vis prezidant ameriken an, Kamala Harris, anonse jodi jedi 8 jen 2023 a, yon èd ki evalye a 53,7 milyon dola ameriken pou fè fas ak kriz imanitè k ap ravaje peyi a. Yon èd ki destine pou reponn ak bezwen plis pase 4 milyon ayisyen ki nan ensekirite alimantè grav. Daprè Kamala Harris, se USAID k ap gen pou jere èd sila. N ap raple gouvènman Ariel Henry deja debloke 21 milya goud pou konbat ensekirite alimantè nan peyi a, men jiska prezan poko gen rezilta.
Yon lòt kote, nimewo 2 mezon blanch lan fè konnen administrasyon Biden/Harris la pral sipòte kreyasyon yon nouvo kò espesyalize anndan lapolis nasyonal la, kò sa pral gen pou responsabilite mennen bon jan ankèt sou krim transnasyonal yo. Inite sa pral travay kont kontreband zam ak minisyon, trafik moun ak aktivite gang transnasyonal yo.
