Bill Kapri, nou tout konnen son non Kodak Black ki se yon rapè ameriken dorijin ayisyèn manifeste dezi li pou l vin prezidan peyi Dayiti pou mete fen ak koripsyon jeneralize k ap fini ak peyi a.
kodak Black fè revelasyon sa yo, nan emisyon “Whoolywood Shuffle” ki anime pa DJ Whoo Kid. Kodak Black prezante tèt li kòm yon sitwayen ki renmen moun, ki sousye de byen nèt pwochen li san okenn enterè, li di li vle trase yon egzanp nan klas politik ayisyèn nan. Atis la fè konnen li vle enspire sou ansyen prezidan ameriken an Donald Trump pou reyalize rèv sa.
Nap raple Kodak Black, kondane nan prizon plizyè fwa pami yo nan mwa davril 2019 pou detansyon dwòg ak zam ilegal, rapè ameriken an te kondane pou volè machin, agresyon ak lòt krim, men ki te jwenn gras ansyen prezidan ameriken an Donald Trump nan fen mwa janvye 2021 an kèk èd tan avan envesti prezidan Joseph Potus Biden.
Pou te jistifye gras Donald Trump te fè Kodak Black la, mezon blanch te presize nan yon kominike ki fè konprann Kodak Black te deja pije mwatye nan pèn li, epi souliye angajman Kodak Black pou bòn koz ak jenewozite li, pou don li fè ak diferant asosyasyon.
