9 prezime bandi tonbe, ladan yo yon manbo ak 4 lòt gravman blese, nan lannwit lendi 17 pou rive madi 18 avril 2023 nan lokalite Montaya nan komin Dam Mari depatman Grandans nan yon operasyon polisyè.
Daprè yon sous polisyè, endividi sa yo te vin mete pwen sou yo pou yo pa pran bal paske objektif yo se te enstale yon gwoup gang nan lokalite sila a. Fòs lòd yo te enfòme de prezans yo nan lokalite Montaya, te rive sou plas epi mete dòmi nan zye endividi yo ansanm ak manbo ki tap ba yo pwen an.
Pandan operasyon sa a, gen 3 kay ki boule ak plizyè lòt endividi ki anba kòd, e ki plase nan gadavi pou swit legal yo.
