Pou piti 49 prezime bandi jwenn lanmò yo ayè lendi 24 avril la nan 2 katye ki sitiye nan Pòtoprens. Se popilasyon nan zòn kanapevè, Debisi ak Tijo ki pase envidi sa yo alenfinitif. Daprè konsta jounalis repòtè nou Anderson, 14 kò san vi boule nan zòn kanapevè, 35 lòt nan zòn Debisi.
Malfra sa yo tonbe ayè lendi 24 avril la. N ap raple depi nan sware samedi 22 pou rive ayè lendi a, anpil kout zam tap chante nan zòn Tijo, Pako, ak Debisi kote bandi te anvayi zòn sa yo nan objektif pou gen kontwòl yo. Abitan Tijo yo mande ak tout popilasyon ayisyèn nan pou yo mache pran bandi k ap simen latwoublay nan sosyete an.
Pwemye minis Ariel Henry, aplodi jefò lapolis pou retabli lòd nan peyi a, epi prezante senpati li ak tout polisye ki blese yo. Chèf primati a te pwofite okazyon sila pou l di gouvènman an travay pou rezoud pwoblèm ensekirite a, yon fason pou kontinye ak pwosesis òganizasyon eleksyon anndan peyi a pou retabli lòd konstitisyonèl sou tout teritwa a jan tout moun swete sa.
