4 prezime bandi pran bwa kale jodi samdi 13 me 2023 a nan vil gonayiv. Daprè yon sous polisyè endividi sa yo soti Kanaran, yo t ap tante travèse nan yon mini bis ki asire trajè pòtoprens/gwo mòn. Fòs lòd yo te enfòme sou prezans yo nan bis la, ajan UDMO yo ye rive entèsepte malfra yo, yon foul imans nan site endepandans lan te anvayi komisarya a, pran mesye yo, touye yo, epi boule yo sou plas.
Daprè men’m sous sila ajan UDMO yo jwenn nan men mesye yo, yon fizi daso ak plizyè santèn katouch gwo kalib. Nap raple sa fè anviwon yon mwa operasyon bwa kale a te lanse nan kanapevè kote plis pase yon douzèn bandi pase anba dife sou firè pèp kanapevè a.
