Lapolis pibliye sou kont facebook li jodi samdi 15 avril 2023 a, yon #avis de recherche# kont chèf gang Vilaj de Dye an Izo. Daprè avi sa bon non li se Jhonson André, pou enstitisyon polisyè a misye se yon danjere kriminèl ki ame, lapolis repwoche IZO zak asasinay, anlèvman kont ranson.
Chèf gang 5 segonn lan ki nome tèt li atis mafya mond lan apèn pèdi chanèl YouTube li an ki te gen plis pase 100 mil abòne. Daprè sa responsab kominikasyon platfòm sa ki se Jack Malon, fè konnen, Jhonson André alyas IZO vyole règleman ak prensip Youtube yo, ki entèdi kontni kap fè pwomosyon pou vyolans, detansyon zam ilegal, detouneman machandiz ak asosiyasyon malfektè.
Nap raple avi sa pibliye kèk èdtan aprè platfòm piblikasyon videyo an Youtube fin siprime chanèl Jhonson André alyas IZO, yon non jounalis Theriel Thelus te deja devwale depi plizyè mwa.
